المعتفس

[المعتفس]

حتى هنا في النت تحصد مباديك= وحتى هنا لفضّ البكاره مداهيل

ليّاك تستصغر اذى اللي حواليك = (ياكم باعوضه قْدَرت تقتل الفيل)

طيشك ترى قرّب من الويل يسقيك = فارجع قبل تجرع فضيحه من الويل

وان مارجعت اليوم بكره يربيك = الوقت ذاخر لك عصا تعدل الميل

كم واحد ٍ ظاهرْه انساني وشيك = وباطنْه مستنقع لخسّه وتضليل

شلته ورسّيته فموانيك بيديك = وانته كذا شغلتْك بس حطّه وشيل

واشّرت لي وماقلت شبيك لبيك = فعرّضتني بكيدك لشين الأقاويل

كرّهتني في المنتدى من تجنّيك = ومعاد باسكت لك طفح منّك الكيل

ماني بغبي بس آتغابى ولا اخفيك = افهم فلعب الذيل بس مالعب بذيل(:

اركد ترى ماني من الناس ذوليك = هل شفتني في يوم اظهرت الايميل؟؟

وادري ايميلي اليوم غاية امانيك = خافيك مكشوف ٍ ولايستره ليل

حدي هنا وهناك مابغى اماشيك = اهناك مابغى حتى صحبة رجاجيل

طلاسم التشبيك تميت الحيا فيك = فبسّك عروض ازيا وزعلات تمثيل

ادري تبي ارسل على الخاص اراضيك = ثم بعدها بتدريج ترميني في السيل

وتدري متى ترميني واصير هاويك ؟؟= اليا لْمسَت اصابعِك ياغبي سهيل(:

مالت على افكارك وخابت مساعيك = وش لون باظمى لك وانا مصاحب النيل؟؟

لي صاحب ٍ يسواك ويسوى اهاليك = كامل حلا وخصال هو سيّد الجيل

من صغرنا وحنّا لبعضنا مماليك = انا احبه حيل وهو يحبني حيل

والله مابيعه على شان اشريك = عن دربه الطاهر محال اني باميل

فدوّر على من هو بطيشه يجاريك = مهبول رح غرّر بمثلك مهابيل

بيّنت لك طبعي والابيات تكفيك = فجنّب دروبي ..في الليالي المقابيل

(:=(:
بدر= الودعاني

[المعتفس]

كـفّـي دمــوعــك وأحزانك =اضـيـق لاشـفــتــك فْغمّك

خـلّـي الـتـفـاؤل على لسانك =دامـي مـعـك بـكـره لايْهمّك

هـات ( ابـتـسـامـه )لسكرانك (: =واصـغـي لجنون ٍ عنـى لـمّك

باسكب جنـونـي فـي وجدانك =بـانـثـرْك في شعري وآلـمّك

لـبّـى شـمـوس ٍ في اوجانك =احـلـى الحـلا خصّك وْعمّك

اطـهـر شـراسـه في اعيانك =واطـهـر طفـولـه في دمّك

ليـت انــّي فـرشـاة اسنانك (: =واعـيـش لحظات فـي فمّك

أو ليـتـنـي اصـغـر اخوانك (: =والـيـوم اقضيه فـي ضمّك

آحـب صوتــك وألحانك =واحـب اقــراك واصمّك

واحب رزانـتْـك وجْنانك =واحـب الابـحـار في يمّك

من كثري مهـتـم فـي شانك ؟؟=واللــه لابــوك أو امّك

اتنفّسك والذي زانك =حتى فـغـيـابـك انــا اشمّك (:

واحلف ولو مـت من شانك =مـايـاخـذِك مـنـّي بن عمّك (:







بدر =الودعاني

[المعتفس]

مع غياب الشفق تكسر هموم العمر بيباني = بحيلتها بقوتها تهاجم صفوة افكاري

وادافعها واحاربها بكل ماربي اعطاني = ولا اسلّم لها حتى تزيد همومي فحْصاري

واذا سلمت تاسرني وتسْبي دمعة اعياني= وتنبش قلبي من صدري وتفتح قفل اسراري

وتبدا عقبها تقرا سجلات ٍ من احزاني = وتقصد يوم تقراها تحاكمني على اقداري

وتصدر حكمها غربة الين الفجر وحداني = وعلى صهوة حصان الفكر اتغرّب عن دْياري

وامُر دروب ظلمة عوج كنها وجيه ازماني = وكل دربٍ امرّه فليلي انزف فيه اشعاري

وعلى ذا الحال طول الليل من عالم الى ثاني = اسافر عن هلي وناسي بأفكاري وانا فداري

والى من بان نور الفجر يصفعني على اوجاني = وأصحى وتنتهي غربة ..هواجس فكري الساري
(:=(:

بدر = الودعاني

[المعتفس]

http://www.worldandi.com/newhome/wwft/1988/6_Aug/Images/img3.jpg
ما اكرهكم ياجحا وحماره بس ما تعجبوني:rolleyes:


:thumbdown:

نتاج فكري لوحّت فيه يدّي = فياليتكم لو تفهمون الاشاره

عقل المقدّا مثل عقل المقدّي =مالت عليكم ياجحا وياحماره

اثنينكم لاشـك منتم بقدّي =عمر الغباوه ماتهزْم الشطاره

بانت خوافيكم في اغرب تحدّي = وكل ٍ قراكم نمرة ٍ واستماره

يعني عشـانـي بكلمة (الـحـق) ابَدّي (: =صرتوا تشوفوني معادي اداره ؟!!

وصرتوا تّحروا ايّ زلّه فرَدّي =عشان في طردي تلاقوا اماره (:

احلامكم (عاقر )دواها فهَدّي =فقولوا لها مامن (دوا)أو (بشاره)

ماكل حلم ٍ له طريق ٍ يوَدّي =ولا كل رجّال ٍ يجوز انكساره

دام انّي ضرغام فْهجوم وْتصدّي =فقادر أحامي عـن عريني بْجداره

ودام ان ورْدي بالأصاله منَدّي =فمايْزل مثلي في حـكيه وْمساره

فيني (البداوه) كالذهب ماتصدّي =لامامْسختهـا (عـولمه) أو (حضاره)

استنكر (الفاحش) وابيَّح بسَدّي =الـصـدق مـبدا القلب دوم وشعاره

حتـى ولو صـدقي يزعّل موِدّي =فيزعـل ولا.. البس طباع استعاره

الطهْر مُـشـرق فـي مزوحي وجدّي =بـس طهـري مايْشوفه سـوى ذو طهاره

وماتقولوا في ظهْري يجيني لحدّي =مع ناس صـلّـت بيننا استخاره

واختاروا دربي واطْلبوا يد ودّي =وزوّجتهــم ودّي وعاشوا فمداره

ومن (مدَّ لي) بحره فيبشر بمدّي =ومن (يجزره) فبحري غني عن طراره

ملطم على فرقا المجافيـن خدّي =عـشـرة ضـديـد الطـبْع ماهي تجاره

طالع لبوي اللي ورث طبْع جدّي =انا امتداد العز وأنَف جساره

راسي محطه براس من هو مْتردّي =نبش القذاره يزيد ريح القذاره

احط راسي بروس اقروم ندّي =لاضدّوا تحلا لي عليهم اغاره

ومادامكم منتم بندّي بهَدّي =وحِلمي عليكم مايقطّع زراره(:

مانيب قايل لامتى ذا التعدّي =دامه ورا ظهْري فياهون ناره

وقبْل تّعشوا بي بكم امتغدّي =من دون لا(اكشن ) ومن دون (اثاره)

على الفخوخ ابكل سـلامـه بَعدّي =الله معي (والحق) دايـم اناره

فحيكـوا خططكـم ماتحيكوه ضدّي =دايم يكبَّدكـم فشيله وخساره

ولاحبابي بس ردَّي.. وعطري.. ونَدّي =وانتم لكم منـي طناشه وحقاره

(:= بدر الودعاني